کانگریس نے کہا ہے کہ وزیر اعظم نریندر مودی نے لوک سبھا میں صدر کے خطاب پر ہوئی بحث کا جواب دیتے ہوئے اپنی حکومت کی کافی زیادہ تشہیر کی اور کورونا دور میں حکومت کی نااہلی کی وجہ سے مرنے والے لوگوں کا جم کر مذاق اڑایا۔ کانگریس کمیونیکیشن ڈپارٹمنٹ کے سربراہ رندیپ سنگھ سرجے والا نے کہا کہ حکومت کی نااہلی کی وجہ سے لاکھوں لوگوں نے اپنے پیاروں کو کھو دیا لیکن آج بے شرمی سے پارلیمنٹ میں ان کے درد پر قہقہہ لگایا گیا۔ Modi Mocks Corona Victims in Lok Sabha
انہوں نے کہا کہ ایوان میں خوب 'پروپیگنڈہ' کیا گیا کہ ہندوستان سب سے تیزی سے ترقی کرنے والی معیشت ہے، جب کہ حقیقت یہ ہے کہ ہندوستان میں حکومت مٹھی بھر امیروں کی غلام ہے۔ ہمارے یہاں 142 امیروں کی دولت 2314000 کروڑ سے بڑھ کر 5316000 کروڑ روپے ہوگئی اور 54 فیصد گھرانوں کی آمدنی ٹوٹ گئی ہے۔ Congress on Modi's Corona statement
یہ بھی پڑھیں:
Modi in Lok Sabha: لوک سبھا میں نریندر مودی کی تقریر
ترجمان نے کہا کہ "لاک ڈاون لگا مزدوروں اوران کے خاندانوں کو بے حالی کے بھنور میں دھکیلنے والے ’معافی مانگنے‘ کے بجائے مدد کے لئے اٹھے ’ہاتھ‘ پر سوال کھڑا کر رہے ہیں۔ آج ایوان سے واضح پیغام آیا ہے ’’ہم ایک بھی الیکشن ہارجائیں تو ہی پورا ’ایکو سسٹم‘ کام کرتاہے۔ مطلب واضح ہے ، شدید بے روزگاری، انتہائی مہنگائی، گرتی ہوئی آمدنی اور انتہائی غربت سے راحت چاہیے تو انہیں الیکشن میں ہرانا ہوگا- توہی ایکو سسٹم کام کرے گا۔
یو این آئی
