نئی دہلی: دہلی شراب بدعنوانی معاملہ میں ریمانڈ ختم ہونے کے بعد آج انفورسمنٹ ڈائریکٹوریٹ (ای ڈی) دہلی کے سابق نائب وزیر اعلی منیش سسودیا کو راؤز ایونیو کورٹ میں پیش کرے گی۔ سسودیا کو دوپہر 2 بجے خصوصی سی بی آئی جج ایم کے ناگپال کی عدالت میں پیش کیا جائے گا۔ مانا جا رہا ہے کہ ای ڈی عدالت میں سسودیا کے ریمانڈ میں مزید توسیع کا مطالبہ کرے گی، لیکن ریمانڈ میں توسیع کا امکان بہت کم ہے۔
16 مارچ کو عدالت نے ای ڈی کے مطالبے پر سسودیا کو پانچ دن کے ریمانڈ پر بھیج دیا تھا۔ اس سے پہلے 10 مارچ کو انہیں ای ڈی نے سات دن کے ریمانڈ پر بھیجا تھا۔ سسودیا کو ای ڈی نے 9 مارچ کو تہاڑ جیل سے گرفتار کر کے عدالت میں پیش کیا تھا۔ اس لیے اب تیسری بار ای ڈی کے ریمانڈ میں اضافے کا امکان بہت کم ہے۔ ایسے میں سسودیا کو عدالت سے تہاڑ جیل بھیجا جائے گا۔ دو دن پہلے عدالت نے سی بی آئی کیس میں سسودیا کی عدالتی حراست میں 14 دن کی توسیع کی تھی۔ اس کے مطابق سسودیا کو 3 اپریل تک تہاڑ جیل بھیج دیا جائے گا۔
مزید پڑھیں:۔ Liquor Policy Case منیش سیسودیا کی سی بی آئی حراست میں دو دنوں کی توسیع
قابل ذکر ہے کہ منگل کو سسودیا کی ضمانت کی عرضی پر سماعت کرتے ہوئے عدالت نے ای ڈی کو اس معاملے میں جواب داخل کرنے کے لیے نوٹس بھیجا ہے۔ اس کے ساتھ ہی درخواست ضمانت پر بحث کے لیے 25 مارچ کی تاریخ مقرر کی گئی ہے۔ سسودیا کی جانب سے سینئر وکیل دیا کرشنن نے ضمانت کا مطالبہ کیا۔ کرشنن نے ای ڈی اور سی بی آئی دونوں کے ذریعہ درج مقدمات میں سسودیا کے خلاف ضمانت کی درخواستیں داخل کی تھیں۔ درخواست میں سسودیا کی جانب سے کہا گیا ہے کہ وہ سی بی آئی کے کہنے پر تحقیقات میں شامل ہوئے تھے۔
