نندی گرام سے ممتا بنرجی کی شکست

ممتا بنرجی نے کہا ہے کہ وہ دوبارہ ووٹوں کی گنتی کروائیں گی اور وہ اس کے خلاف سپریم کورٹ تک جائیں گی۔

مغربی بنگال کی نندی گرام سیٹ سے بی جے پی کے رہنما شبھیندو ادھیکاری نے فتح حاصل کی ہے۔ انہوں نے ترنمول کانگریس کی سربراہ اور وزیراعلیٰ ممتا بنرجی کو شکست دے دی ہے۔

شبھیندو ادھیکاری نے ممتا کو 1736 ووٹوں سے شکست دی ہے۔

ممتا بنرجی نے کہا ہے کہ وہ دوبارہ ووٹوں کی گنتی کروائیں گی اور وہ اس کے خلاف سپریم کورٹ تک جائیں گی۔

مغربی بنگال میں سب سے دلچسپ مقابلہ اسی سیٹ پر تھا۔ شروعات میں کافی دیر تک شبھیندو ادھیکاری ممتا بنرجی سے آگے چل رہے تھے لیکن 16 راؤنڈ کی گنتی کے بعد ممتا بنرجی تقریبا آٹھ ہزار ووٹوں سے آگے نکل گئیں۔ اس کے بعد ایک بار پھر ایسا وقت آیا جب شبھیندو ادھیکاری آگے ہو گئے تھے۔ آخر میں شبھیندو ادھیکاری نے جیت حاصل کی۔

اس سے پہلے نیوز اجینسی اے این آئی نے ٹویٹ کیا تھا کہ نندی گرام سے ممتا بنرجی نے جیت حاصل کی حالانکہ ممتا بنرجی نے پھر سے ووٹوں کی گنتی کرانے کی مانگ کی ہے۔

ممتا نے کہا کہ نندی گرام کی بات بھول جائیے۔ میں نندی گرام سے انتخاب لڑ رہی تھی کیوں کہ یہاں میں نے ایک مہم چلائی تھی۔ جو بھی ہے ٹھیک ہے، مجھے نندی گرام کے عوام کا فیصلہ منظور ہے۔ ہم نے 212 سیٹز پر جیت حاصل کی ہیں۔ بی جے پی کو شکست ملی ہے۔

مغربی بنگال میں ٹی ایم سی کی اچھی کارکردگی پر ملک کی دیگر حزب اختلاف کی پارٹیوں نے مبارکباد پیش کی ہے۔ عام آدمی پارٹی کے کنوینر اروند کیجریوال، راشٹروادی کانگریس پارٹی کے سربراہ شرد پوار، سماج وادی پارٹی کے صدر اکھیلیش یادو اور دیگر رہنماؤں نے ممتا بنرجی کو مبارکباد پیش کی۔