بنگلورو: کرناٹک میں بھارتیہ جنتا پارٹی اور کانگریس کے قائدین بشمول چیف منسٹر بسواراج اور سابق چیف منسٹر جگدیش شیٹر نے بدھ کو پرچہ نامزدگی داخل کی۔ ریاست میں 10 مئی کو اسمبلی انتخابات ہونے جا رہے ہیں۔ ریاست کے سابق وزیر اعلیٰ بی۔ ایس۔ یدی یورپا کے بیٹے بی۔ وائی وجیندر نے شیموگا ضلع کے شکاری پورہ حلقہ سے بھی اپنا پرچہ نامزدگی داخل کیا۔ بومئی نے آج شیگاؤں حلقہ سے اپنا دوسرا سیٹ پرچہ نامزدگی داخل کیا۔ اس سے قبل انہوں نے کہا تھا کہ وہ ہندو کیلنڈر کے مطابق کسی مقدس تاریخ کو اپنا کاغذات نامزدگی داخل کریں گے۔ کانگریس نے بومئی کے خلاف انتخابی جنگ میں محمد یوسف ساونور کو میدان میں اتارا ہے۔
وہیں حال ہی میں بی جے پی چھوڑ کر کانگریس میں شامل ہونے والے شیٹر نے ہبلی دھارواڑ حلقہ سے اپنا پرچہ نامزدگی داخل کیا۔ بی جے پی نے انہیں ٹکٹ نہیں دیا تھا۔ کانگریس میں شامل ہونے کے بعد شیٹر، جن کا تعلق راشٹریہ سویم سیوک سنگھ اور بی جے پی سے تھا، نے بی جے پی جنرل سکریٹری بی ایل سنتوش پر الزام لگایا کہ ان کی وجہ سے انہیں بی جے پی سے ٹکٹ نہیں ملا۔کانگریس کے سینئر لیڈر اور ریاست کے سابق وزیر اعلیٰ سدارامیا نے میسورو ضلع کے ورنا حلقہ سے پرچہ نامزدگی داخل کیا۔ بی جے پی سدارامیا نے وی سومنا کو اپنے خلاف کھڑا کرنے کی حکمت عملی تیار کی ہے۔ وجیندر کے نامزدگی داخل کرنے سے پہلے یدیورپا نے ایک ریلی نکالی، جس میں لوگوں کی بڑی تعداد نے شرکت کی۔ جبکہ شیگاؤں میں بی جے پی کے قومی صدر جے پی نڈا اور کیچا سدیپ بومئی کی نامزدگی سے قبل نکالی گئی ریلی میں شرکت کی۔
یہ بھی پڑھیں: Karnataka Assembly Elections کانگریس ایم ایل اے اکھنڈہ سرینواس مورتی نے استعفیٰ دے دیا
یو این آئی
