بھارت میں گزشتہ 24 گھنٹوں کے دوران کورونا وائرس کے 21 ہزار 257 نئے کیس درج کیے گئے ہیں۔ تو وہیں 271 افراد ہلاک ہوئے ہیں۔
وزارت صحت کی جانب سے جاری کردہ تازہ اعداد و شمار کے مطابق ملک میں فعال کیسز 2 لاکھ 40 ہزار 221 ہیں۔ جو کہ 205 دنوں کے بعد سب سے کم ہے۔ اعداد و شمار کے مطابق اب تک ملک میں کورونا کی وجہ سے چار لاکھ 50 ہزار 127 افراد ہلاک ہو چکے ہیں۔
مرکزی وزارت صحت نے بتایا ہے کہ کل ملک میں کورونا وائرس ویکسین کی 50 لاکھ 17 ہزار 753 خوراکیں دی گئیں۔ اس کے بعد اب ویکسین کی تعداد 93 کروڑ 17 لاکھ 17 ہزار 191 ہو گئی ہے۔
وہیں انڈین کونسل آف میڈیکل ریسرچ (ICMR) نے بتایا ہے کہ کل بھارت میں کورونا وائرس کے لیے 13 لاکھ 85 ہزار 706 نمونے ٹیسٹ کیے گئے تھے، جس کے بعد کل تک کُل 58 کروڑ 43 ہزار 190 نمونے ٹیسٹ کیے جا چکے ہیں۔
بھارت میں کورونا وائرس کی تازہ صورتِ حال ایک نظر میں:۔
کل کیسز: 3,39,15,569
اموات کی تعداد: 4,50,127
کل ویکسینیشن: 93,17,17,191
