بارہ بنکی : یوم کھیل پر بچوں میں ہاکی تقسیم

اترپردیش کے بارہ بنکی میں قومی یومِ کھیل کو اس دفعہ جوش و خروش کے ساتھ منایا گیا۔ ضلع کے ڈی سنگھ بابو اسٹیڈیم میں ہر برس کی طرح اس سال بھی ہاکی ٹورنمنٹ کا اہتمام کیا گیا جس میں عظیم الدین اشرف اسلامیہ انٹر کالج کی ٹیم کو فاتح قرار دیا گیا۔ اس موقع پر تمام کھلاڑیوں کو سماجی کارکن منجیت دھامی کی جانب سے ہاکی دی گئی۔

ہاکی کے جادوگر کہے جانے والے میجر دھیان چند کی سالگرہ پر 29 اگست کو قومی یوم کھیل منایا جاتا ہے۔ اس موقع پر ہر برس کے ڈی سنگھ بابو اسٹیڈیم میں کلا ہاکی ایسوسی ایشن کی جانب سے ہاکی ٹورنمنٹ منعقد کیا گیا۔ ٹورنامنٹ میں 6 ٹیموں نے شرکت کی۔

جونیئر کیٹیگری میں ہر سال کی طرح اس بار بھی عظیم الدین اشرف اسلامیہ انٹر کالج کی ٹیم فاتح رہی جبکہ سیونتھ ڈے پبلک اسکول کی ٹیم کو رنر قرار دیا گیا۔ وہیں سینئر کیٹیگری میں اسٹیڈیم کی ٹیم فاتح رہی۔ تمام میچ کے بعد کھلاڑیوں کو محکمے کھیل کی جانب سے کٹ دی گئی۔

وہیں ہاکی کو فروغ دینے کے لئے سماجی کارکن منجیت دھامی نے کھلاڑیوں میں ہاکی اور بال تقسیم کئے گئے۔