کرناٹک کے گلبرگہ ضلع میں کورونا وائرس وبا کی دوسری لہر کے دوران مریضوں کے ساتھ اسپتالوں میں آکسیجن وینٹی لیٹر بیڈس کی کمی کی شکایتوں کو دیکھتے ہوئے دھرم سنگھ فاونڈیشن اور کانگریس پارٹی کے لیڈران کی جانب سے بیرونی ملک سے 50 آکسیجن سلینڈرس اور 10 وینٹی لیٹرس کو منگواکر گلبرگہ ضلع ڈپٹی کمشنر کے حوالے کیاگیا۔
اس موقع پر کانگریس کے رکن اسمبلی ڈاکٹر اجے سنگھ نے کہا کہ گلبرگہ ضلع میں کورونا وائرس کی دوسری لہر کے دوران کئی مریضوں کو اسپتالوں میں آکسیجن ، وینٹی لیٹر اور بیڈس نہ ملنے کی وجہ ان کی موت ہوئی۔
اس لئے کورونا وائرس کی تیسری لہر پر قابو پانے کے لئے ضلع بھر کے سرکاری اسپتالوں میں پوری طرح سے اقدامات کیے جائیں۔ریاستی اور مرکزی حکومت کی لاپر وائی سے کورونا وائرس کی دوسری لہر میں کئی افراد کی موت ہوئی۔
انھوں نے کورونا وائرس کی دوسری لہر کے متعلق ملک میں آنے والے حالات کے بارے میں نہیں بتایا جس کے وجہ کئی افراد اسپتالوں میں اکسیجن وینٹی لیٹر بیڈس ناملنے پر اسپتالوں کے باہر ہی دم توڑ گئے۔
تنظیم نے کہا کہ کورونا وائر س کی تیسری لہر پر قابو پانے کے لئے ابھی سے منصوبہ تیار کر نے کی ضرورت ہے جس کے لئے ریاستی اور مرکزی حکومت اسپتالوں کے بنیادی مسائل کو حل کر کے ہر طرح کے علاج کی سہولت فراہم کرے۔
