ادبی کتابوں کے علاوہ اسلامک لٹریچر کی بھی فروخت اچھی رہی۔ بنگال میں کتابیں پڑھنے کا رجحان بہت زیادہ ہے اسی لئے کولکاتا کتاب میلہ میں لاکھوں لوگوں کی آمد ہوئی اور بڑے پیمانے پر کتابیں فروخت ہوئی۔ کتاب میلہ منعقد کرنے والی بک سیلر اینڈ گلڈ کے مطابق 20 کروڑ کی کتابیں فروخت ہوئیں ہیں۔
45ویں بین الاقوامی کولکاتا کتاب میلہ کا شاندار اختتام یوا۔ دو برسوں کے وقفے کے بعد منعقد ہوا کولکاتا کتاب میلہ اس بار بہت کامیاب رہا۔ 18 لاکھ لوگ کتاب میلہ میں آئے اور 20 کروڑ روپیے کی کتابیں فروخت ہوئیں۔ کولکاتا کے سالٹ لیک سنٹرل پارک میں منقعد کیے جانے والے کتاب میلہ میں آخری دن ڈیڑھ لاکھ لوگوں کی آمد ہوئی۔ Urdu books at Kolkata International Book Fair
2020 میں منعقد کئے جانے والے کتاب میلہ کے بنسبت اس بار کتابیں زیادہ فروخت ہوئیں ہیں۔ دوسری جانب کولکاتا بین الاقوامی کتاب میلہ میں اردو کتابوں کے بھی کئی اسٹال لگے تھے۔ اردو کتابیں بھی اچھی خاصی تعداد میں فروخت ہوئیں۔ وہیں اسلامی کتابیں بھی بڑے پیمانے پر فروخت ہوئیں۔
یہ بھی پڑھیں:
اردو کتابوں کئی اسٹال جن میں مرکزی مکتبہ پبلشنگ، مغربی بنگال اردو اکاڈمی، ساہتیہ اکاڈمی،نیشنل بک ٹرسٹ اور پبلیکیشن ڈپارٹمنٹ مرکزی حکومت کے اسٹال میں اردو کتابیں دستیاب تھیں۔ مرکزی مکتبہ پبلشنگ ہاؤس میں سب سے زیادہ خریداروں کی بھیڑ دیکھنے کو ملی، جہاں اردو ادب اور اسلامی دونوں کتابیں تھیں۔ اس کے علاوہ مغربی بنگال اردو اکیڈمی کے اسٹال خالص ادبی کتابیں تھیں۔ اس کے علاوہ ساہتیہ اکیڈمی نیشنل بک ٹرسٹ اور پبلیکیشن ڈپارٹمنٹ میں اردو کی محدود کتابیں تھیں۔
مرکزی مکتبہ پبلشنگ ہاؤس معراج خالد نے بتایا کہ اس بار خریداری کرنے والوں کی تعداد اچھی رہی لوگ آ رہے ہیں لیکن انہوں نے کہا کہ ان کے اسٹال میں ادبی کتابوں کے بنسبت اسلامی کتابیں قران و حدیث اور اسلامک لٹریچر کی کتابیں زیادہ فروخت ہوئیں۔اردو ادب کے لوگ خریداری نہیں کرتے ہیں۔
