راجستھان میں ادے پور دیہی ضلع مہیلا کانگریس کی صدر سیما چورڈیا نے آج یہاںسکھیر تھانے میں اداکارہ کنگنا رناوت کے خلاف مقدمہ درج کرایا اور قانونی کارروائی کا مطالبہ کیا۔
سیما چورڈیا نے کہا کہ یہ ایک تاریخی حقیقت ہے کہ ملک 15 اگست 1947 کو ہزاروں مجاہدین آزادی کی قربانیوں کے بعد آزاد ہوا اور پوری دنیا بھارت کے مجاہدین آزادی کو عزت کی نگاہ سے دیکھتی ہے۔ لیکن اداکارہ اور پدم شری کنگنا رناوت نے عوامی پلیٹ فارم پر1947 میں دی گئی آزادی کو بھیک میں ملی آزادی قرار دیتے ہوئے کہا کہ اصل آزادی 2014 میں ملی۔ ان کے بیان سے ملک کے کروڑوں لوگوں کے جذبات کو ٹھیس پہنچی ہے۔
یہ بھی پڑھیں:کنگنا کی متنازعہ پوسٹ، خود کو 'ہاٹ سنگھی' بتایا
سیما چورڈیا نے سکھیر پولیس اسٹیشن جاکر اداکارہ کنگنا رناوت کے خلاف مقدمہ درج کرایا اور کارروائی کا مطالبہ کیا۔
یو این آئی
