آل انڈیا مجلس اتحاد المسلمین گجرات کی ٹیم نے احمدآباد کے میئر کریٹ پرمار سے ملاقات کرکے اربن ہیلتھ سینٹر کو رینوویشن کرانے کا مطالبہ کیا۔ اس تعلق سے آل انڈیا مجلس اتحاد المسلمین احمدآباد کے صدر شمشاد خان نے کہا کہ گجرات حکومت ترقی کا دعویٰ کرتی ہے اور احمدآباد شہر کو گجرات ماڈل کے طور پر پیش کرتی ہے۔ اس شہر میں دریا پور اور علاقے میں ایک اربن ہیلتھ سینٹر کی حالت بد سے بدتر ہے۔ اس معاملے کو لے کر جب آج ہم نے احمد آباد میونسپل کارپوریشن میں موجود احمدآباد کے میئر سے بات چیت کی تو انہوں نے قبول کیا کہ واقعی یہ اربن ہیلتھ سینٹر خستہ حالی کا شکار ہے۔
انہوں نے مزید کہا کہ یہ شرم سے ڈوب مرنے کی بات ہے کہ جب آپ کو پتا ہے کہ یہ اربن ہیلتھ سینٹر خستہ حالی کا شکار ہے تو آپ نے کام کیوں نہیں کیا اور اس علاقے کے کانگریس کے ایم ایل اے اور کونسلرز نے اس پر توجہ کیوں نہیں دی؟
- یہ بھی پڑھیں:احمدآباد: راج اسپتال میں میگھا میڈیکل کیمپ کا اہتمام
شمشاد خان پٹھان نے مزید کہا کہ دریا پور کا یہ اربن ہیلتھ سینٹر گذشتہ دس برسوں سے خستہ حالی کا شکار ہے اور جب کسی کو فوری علاج کی ضرورت ہوتی ہے تو اسے علاج کے لیے اربن ہیلتھ سینٹر میں جانا ہوتا ہے لیکن احمد آباد کا دریا پور اربن ہیلتھ سینٹر بہت ہی خراب حالت میں ہے۔ اس پر کسی کی توجہ نہیں جارہی ہے، اسی لیے آج آل انڈیا مجلس اتحاد المسلمین کی ٹیم نے احمدآباد کے میئر سے ملاقات کر اس مسئلے کا حل نکالنے کی درخواست کی اور مطالبہ کیا کہ جلد از جلد اس اربن ہیلتھ سینٹر کی تعمیر نو کیا جائے۔ اسے مرمت کر عوام کے لئے مختص کیا جائے۔
