Child Died After Falling Into Pot گرم برتن میں گرنے سے بچہ کی موت

امروہہ میں ایک بچہ کھانے بنانے کے دوران گرم برتن میں گر گیا جس کے سبب اسکی موت ہوگئی۔ گھر میں ماتم کا ماحول ہے۔ Child Died After Falling Into Pot

امروہہ: ریاست اترپردیش کے ضلع امروہہ کے سیدانگلی تھانہ علاقے میں مُنڈن کی تقریب میں ایک حادثہ پیش آیا۔ دعوت کے لیے تیار کی گئی دال کے گرم برتن میں ایک پانچ سالہ بچہ گر گیا جس سے اس کی موت ہو گئی۔ اس واقعہ سے اہل خانہ میں کہرام مچ گیا۔Child died after falling into vegetable pot Amroha

یہ واقعہ سیدانگلی تھانہ علاقہ کے کرن پور سوتاری گاؤں کا ہے۔ بھرت سنگھ کھڑگونشی نے اتوار کو اپنے پانچ سالہ بیٹے سشیل کا گنگا گھاٹ پر منڈن کروایا تھا۔ اس خوشی کے موقع پر انہوں نے دعوت کا اہتمام کیا تھا۔ گھر میں خوشی کا ماحول تھا۔ رات کے کھانے کے لیے دعوت منائی جا رہی تھی۔ اس دوران حلوائی نے دال کے گرم دیگ کو کمرے کے اندر بستر کے برابر رکھ دیا تھا۔ بچہ کھیلتے ہوئے بستر پر چڑھ گیا۔ اسی دوران وہ کھیلتے ہوئے دال کے گرم برتن میں گر گیا، جس سے بچہ بری طرح جھلس گیا۔ گھر والوں نے اسے شہر کے ایک پرائیویٹ اسپتال میں داخل کرایا۔ لیکن ڈاکٹروں نے بچے کی حالت نازک بتاتے ہوئے اسے میرٹھ ریفر کر دیا۔ جہاں 6 نومبر کی رات بچے کی راستے میں ہی موت ہو گئی۔ متوفی پانچ سالہ سشیل تین بھائیوں میں سب سے چھوٹا تھا۔ اس واقعہ کی وجہ سے ماں کا برا حال تھا۔ ساتھ ہی اہل خانہ نے بغیر قانونی کارروائی کے لاش کی آخری رسومات ادا کی۔