برطانیہ کی حکومت نے کہا کہ بھارت کی 'کوویکسین' کو 22 نومبر کو بین الاقوامی مسافروں کے لیے منظور شدہ اینٹی کووڈ-19 ویکسین کی فہرست میں شامل کیا جائے گا۔
اس کا مطلب یہ ہے کہ جن لوگوں نے بھارت بائیوٹیک کی تیار کردہ 'کوویکسین' کی دونوں خوراکیں لی ہیں، انہیں برطانیہ پہنچنے کے بعد تنہائی میں نہیں رہنا پڑے گا۔
برطانیہ نے یہ قدم ورلڈ ہیلتھ آرگنائزیشن (ڈبلیو ایچ او) کی جانب سے پہلے ہی 'کوویکسین' کو ہنگامی استعمال کے لیے منظور شدہ ویکسین (EUL) کی فہرست میں شامل کیے جانے کے بعد اٹھایا ہے۔
بھارت میں تیارکردہ Oxford-AstraZeneca اینٹی کووِڈ-19 ویکسین کو گزشتہ ماہ برطانیہ میں منظور شدہ ویکسین کی فہرست میں شامل کیا گیا تھا۔
یہ بھی پڑھیں: برطانیہ میں مظاہروں کے دوران 8 پولیس اہلکار زخمی، 12 گرفتار
بھارت میں برطانوی ہائی کمشنر الیکس ایلس نے پیر کو ٹویٹ کیا کہ "برطانیہ آنے والے بھارتی مسافروں کے لئے اچھی خبر۔ جن مسافروں کو ڈبلیو ایچ او کی ایمرجنسی لسٹ میں شامل اینٹی کوویڈ 19 ویکسین ملی ہیں، بشمول کوویکسین، انہیں 22 نومبر سے تنہائی میں نہیں رہنا پڑے گا۔"
یہ فیصلہ 22 نومبر کی صبح 4 بجے سے نافذ ہوگا۔
