'اپنے ہی ملک کے لوگوں کو مہاجر کیوں کہا جائے؟'

بہار کے وزیراعلی نتیش کمار نے کہا ہے کہ 'ایک ریاست سے دوسری ریاست میں سفر کرنے والوں کو 'مہاجر' کیوں کہا جاتا ہے؟

پریس کانفرنس سے خطاب کرتے ہوئے بہار کے وزیر اعلی نتیش کمار نے ان تمام لوگوں پر تنقید کی جنہوں نے مزدوروں کے لئے 'مہاجر' کی اصطلاح استعمال کی۔

• مزدوروں کی بہار واپسی:

انہوں نے کہا کہ 'ریاستی حکومت ان لوگوں کے لئے زیادہ روزگار پیدا کرنے کی سمت کام کر رہی ہے جو بہار واپس آئے ہیں'۔

وزیر اعلی نتیش کمار نے کہا کہ 'ان کی حکومت کووڈ 19 مرحلے کے دوران بہار میں واپس آنے والے تمام لوگوں کے لئے روزگار پیدا کرنے پر کام کر رہی ہے۔ انھوں نے ان تمام لوگوں پر تنقید کی جو کارکنوں کے لئے 'مہاجر' کی اصطلاح استعمال کررہے ہیں۔

انھوں نے استدلال پیش کرتے ہوئے کہا ہے کہ 'ایک ریاست سے دوسری ریاست جانے والے افراد کو 'پروسی' (مہاجر) کہا جاتا ہے۔ کیوں؟ کیوں یہ ایک ملک ہے۔ ایک ہی قومیت ہے۔ ملک میں ایک جگہ سے دوسری جگہ جانے والا شخص مہاجر نہیں کہلاتا'۔

• وسیع تر انتظامات:

انہوں نے مزید کہا ہے کہ 'دوسری ریاستوں سے واپس آنے والے لوگوں کو بے بسی کی وجہ سے رخصت ہونے کی ضرورت نہیں ہے۔ لہذا ان کے لئے روزگار کے انتظامات کیے جارہے ہیں۔ تمام متعلقہ محکمے اس پر کام کر رہے ہیں'۔

وزیراعلیٰ نے مزید کہا کہ 'جو لوگ دیگر ریاستوں میں خدمات کی فراہمی اور اپنی زندگی گزارنے گئے تھے، لاک ڈاؤن کے مشکل مرحلے میں مثالی طور پر ان کی مدد کرنی چاہئے تھی'۔

مرکز کے ذریعہ غیر مقیم افراد اور مزدوروں کی نقل و حرکت کی اجازت اور طلباء کو ٹرینوں کے ذریعے دوبارہ جانے کی اجازت دی گئی ہے۔

واضح رہے کہ ملک گیر لاک ڈاؤن کے پانچویں مرحلے میں متعدد مسافروں کو بسوں میں سفر کرتے دیکھا گیا ہے۔ اترپردیش، بہار، مغربی بنگال جیسی ریاستوں میں آمد و رفت جاری ہے۔