واضح رہے کہ ایمینویل میکخواں نے متنبہ کیا تھا کہ ناٹو زوال پزیر ہو رہا ہے اور اس کی وجہ انہوں نے باہمی تعلقات کی کمی بتایا۔
اس کے ردعمل میں ترکی کے صدر نے ایک تقریب میں کہا کہ میں ایمینویل میکخواں کو ترکی سے یہ پیغام دے رہا ہوں اور ناٹو می میٹنگ میں بھی کہوں گا کہ کہیں ان کا دماغی توازن بگڑ تو نہیں گیا۔
آئندہ 4 دسمبر کو برطانیہ میں ہونے والی ٹرانس اٹلانٹک اتحاد کی چوٹی کانفرنس میں دونوں صدور ایک دوسرے کے آمنے سامنے ہونگے۔
یہاں اس بات کا ذکر کرنا ضروری ہے کہ فرانسیسی صدر میکخواں شام میں ترکی کی حملوں کی مذمت مسلسل کرتے آئے ہیں۔ انہوں نے ناٹو اتحادیوں کو متنبہ کرتے ہوئے یہ بھی کہا تھا کہ امریکہ اور ترکی کی وجہ سے ہی ناٹو زوال پزیر ہو جائے گا۔
