کورونا مریضوں کے صحت یاب ہونے کی شرح میں اضافہ اس بات کا ثبوت ہے کہ متاثرہ افراد پر ادویات کا بہتر اثر ہورہا ہے۔ اس وقت 155227 کورونا کے سرگرم مریض ڈاکٹروں کی نگرانی میں ہیں۔
وزارت صحت نے پیر کو جاری ایک بیان میں بتایا کہ انڈین کونسل آف میڈیکل ریسرچ (آئی سی ایم آر) بھی مسلسل اپنی ٹیسٹنگ صلاحیت میں اضافہ کررہی ہے۔ فی الحال ملک میں 674 سرکاری اور 250 نجی تجربہ گاہیں سرگرم عمل ہیں۔
ان میں آر ٹی پی سی آر پر مبنی 535 (347 سرکاری اور 188 نجی)، ٹرونیٹ پر مبنی 316 (302 سرکاری اور 14 نجی) اورسی بی این اے اے ٹی پرمبنی 73 (25 سرکاری اور 48 نجی) لیبارٹری کورونا وائرس کی جانچ میں مصروف ہیں۔
پچھلے 24 گھنٹوں کے دوران 163187 نمونوں کی جانچ کی گئی ہے اور اب تک ملک میں مجموعی طور پر 6084256 کورونا جانچ ہوچکی ہے۔
