مرکزی وزارت صحت کی جانب سے جاری کردہ تازہ ترین اعدادوشمار کے مطابق مرکزی اور ریاستی حکومتوں کی طرف سے کورونا وائرس کے پھیلاؤ کو روکنے اور اس کا موثر علاج کی حکمت عملی کامیاب ہوتی نظر آرہی ہے، جس کی وجہ سے لوگ روز بروز کورونا سے شفایاب ہورہے ہیں۔
اس وقت ملک میں 8،17،209 افراد میں کورونا سے شفایابی کی شرح بہتر ہوگئی ہے۔ فی الحال ملک میں کورونا وائرس کے 4،40،135 فعال کیسز ہیں اور متاثرین کی مجموعی تعداد 12،87،945 ہے۔
ملک بھر میں پھیلے 1،284 کورونا ٹسٹ لیب نے 23 جولائی کو 3،52،801 نمونوں کی جانچ کی جس سے اب تک جانچے کیے گئے نمونوں کی تعداد 1،54،28،170 ہوگئی۔ ٹسٹنگ کی رفتار کو تیز کرنے سے متاثرہ افراد کا علاج فوری طور پر شروع ہوجاتا ہے اور وہ شدید بیمار نہیں ہوتے۔
وزارت کے مطابق مرکزی اور ریاستی حکومتوں کی جانب سے اس سمت میں اٹھائے جانے والے اقدامات کی وجہ سے ملک میں کورونا سے اموات دوسرے ممالک کے مقابلہ میں بہت کم ہے۔ ملک میں اب تک 30،601 کورونا وائرس سے متاثرہ افراد اپنی زندگیوں سے ہاتھ دھو بیٹھے ہیں۔
