گریٹر نوئیڈا سوسائٹی کے لوگوں نے کار پول کو 'لفٹ پلیز'کا نام دیا ہے ۔اس کے تحت سوسائٹی کے باہر ایک اسٹینڈ بنایا گیا ہے۔ وہاں کار سوار افراد ان لوگوں کی مدد کریں گے جو پبلک ٹرانسپورٹ کا استعمال کرتے ہیں ۔
ایسے افراد کو ان مقامات پر ڈراپ کیا جائے گا جہاں کار پول کے اسٹینڈ ہوں گے۔ وہاں 'لفٹ پلیز ' کا بورڈ نصب کیا گیا ہے۔
سوسائٹی سے باہر جانے والے افراد کو کار سے ان سینٹر پر پہنچایا جائے گا جہاں عوامی آمدورفت کے وسائل دستیاب ہوتے ہیں ۔
سوسائٹی کے ممبران کی کار پر کوڈ لکھا جائے گا جس سے لوگ سمجھ سکیں گے کہ یہ ہماری سوسائٹی کی کار ہے۔سوسائٹی والوں کو بھی ایک کارڈ جاری کیا گیا ہے اسی کو دکھا کر لوگ اس سہولت کا فائدہ اٹھا سکیں گے۔
