انڈین ریلوے مینجمنٹ سروسز (آئی آر ایم ایس) کی تشکیل کی ہے اور ریلوے بورڈ کے ڈھانچے کا حجم نصف کرنے کے ساتھ ساتھ مختلف زونوں اور پیداوار اکائیوں کے جنرنل منیجروں کو مرکزی حکومت کے سیکرٹری کے ہم مرتبہ بنا دیا ہے۔
وزیر اعظم نریندر مودی کی صدارت میں آج یہاں ہوئی مرکزی کابینہ کی میٹنگ میں یہ فیصلہ کیا گیا۔ ریلوے کے وزیر پیوش گوئل نے یہاں ایک پریس کانفرنس میں کابینہ کے اس فیصلے کی اطلاع دیتے ہوئے کہا کہ ریلوے میں انجینئرنگ، میکانیکل، الیكٹریكلس، اکاؤنٹنگ، اسٹوریج، اہلکار، ٹریفک، سگنلنگ اور ٹیلی مواصلات خدمات کو ملا کر ایک سروس ’ انڈین ریلوے مینجمنٹ سروس (آئی آر ایم ایس ) ‘کرنے کو آج منظوری دے دی گئی ہے۔ یہ فیصلہ آج ہی نافذ ہو گیا ہے۔
انہوں نے کہا کہ ریلوے بورڈ کا پہلی بار تشکیل 1905 میں کی گئی تھیی۔ تقریباً 114 سال سے ریلوے محکمہ جاتی گروپوں میں تقسیم تھا۔ آٹھوں خدمات کے حکام پہلے اپنے اپنے محکمہ کے تئیں ہی زیادہ وقف رہتے تھے اور بورڈ کے رکن بننے پر مجموعی ریلوے کی بجائے اپنے اپنے محکموں کی فکر کرتے تھے۔
اس فیصلہ سے ریلوے میں محکمہ جاتی گروپ بندی ختم ہوگی اور ریلوے میں فیصلہ سازی کی رفتار تیز ہوگی اور بھارتی ریلوے 21 ویں صدی کے نئی چیلنجوں کا سامنا کرنے میں زیادہ اہل ہوگا۔
