راجیہ سبھا: جیوتی رادتیہ سندھیا سمیت متعدد رہنماؤں کی حلف برداری

کانگریس پارٹی چھوڑ کر بھارتیہ جنتا پارٹی میں شمولیت اختیار کرنے والے سینیئر رہنما جیوتی رادتیہ سندھیا سمیت مختلف رہنماؤں نے راجیہ سبھا کی رکنیت کا حلف لیا ہے۔

راجیہ سبھا میں آج 61 ارکان نے رکنیت کا حلف کیا جن میں بھارتیہ جنتا پارٹی کے جیوتی رادتیہ سندھیا کے علاوہ کانگریس کے سینیئر رہنما دگ وجے سنگھ، ملکا ارجن کھرگے، جھارکھنڈ مکت مورچہ کے صدر اور سابق وزیراعلیٰ شیبو سورین شامل ہیں۔

بشکریہ ٹویٹر

آج حلف برداری کے بعد ایوان میں بی جے پی کے ارکان کی تعداد 75 سے بڑھ کر 86 ہوگئی ہے۔

واضح رہے کہ چند ماہ قبل جیوتی رادتیہ سندھیا نے کانگریس پارٹی چھوڑ کر بھارتیہ جنتا پارٹی میں شمولیت اختیار کی تھی اور پارٹی نے انہیں راجیہ سبھا کا رکن بنایا ہے۔