راہل گاندھی نے جمعہ کو کیرالہ کے وائناڈ پارلیمانی حلقہ کے رائے دہندگان کا ملیالی زبان میں شکریہ ادا کرتے ہوئےٹوئٹ کیا ’وائناڈ کے لوگوں کا مجھے اپنا نمائندہ منتخب کرنے کے لئے شکریہ۔
کانگریس کے صدر نے یہ سیٹ 431770ووٹوں سے جیتی ہے اور اپنے نزدیکی حریف لیفٹ ڈیموکریٹک فرنٹ کے پی پی سنیر کو شکست دی ہے۔
مسٹر گاندھی نے اس بار دو جگہ سے الیکشن لڑا ہے۔ کیرالہ کی وائنائڈ سیٹ پر انہوں نے زبردست جیت حاصل کی ہے لیکن اترپردیش کی امیٹھی سیٹ سے وہ بی جے پی کی اسمرتی ایرانی سے 55 ہزار سے زائد ووٹوں سے شکست کھا گئے۔ مسٹر گاندھی 2004سے مسلسل اس سیٹ پر جیت حاصل کررہے تھے۔
وائناڈ کانگریس کا گڑھ سمجھا جاتا ہے۔ یہ سیٹ پچھلی بار کانگریس کے ایم آئی شاہنواز نے جیتی تھی۔
