ریاست تلنگانہ کے گریٹر حیدرآباد میونیسپل کارپوریشن نے گرین اسٹریٹ وینڈنگ زون تشکیل دے کر حیدرآباد کو پلاسٹک سے آزادی کرنے کی سمت میں ایک مثبت قدم اٹھایا ہے۔
حیدرآباد کے ہائی ٹیک سٹی میں شِلپارَمم کے قریب علاقے میں وینڈنگ زون کے تحت 55 اسٹالز لگائیں جائیں گے، جو مکمل طور پر ریسائیکلنگ مواد سے تیار کیے گئے ہیں۔
گجرات کی ایک کمپنی مجموعی طور پر 40 ٹن پلاسٹک کی ریسائکلنگ سے یہ اسٹالز تیار کر رہی ہے۔ ایک اسٹال کو تیار کرنے میں تقریبا 2 ہزار بوتلوں کی ضرورت ہوتی ہے۔
کُل 8 سو میٹر رقبے پر محیط اس زون میں جی ایچ ایم سی کی جانب سے ہر ایک اسٹال کے لیے 90 ہزار روپے کا خرچ کیا گیا ہے۔
اتنا ہی نہیں، تمام دکانداروں کو کھانے کی حفاظت سے متعلق بہتر تربیت دی جائے گی، اور انہیں سنگل یوز پلاسٹک سے دور رہنے کے اقدامات بھی سکھائے جائیں گے۔
جی ایچ ایم سی آئندہ 10 سے پندرہ روز میں زون کو کھولنے کے بارے میں پُر امید ہے۔ اس انوکھے اقدام کے ساتھ میونسپل کارپوریشن حیدرآباد کو ایک سسٹین ایبل شہر کے طور پر قائم کر رہا ہے۔
