سابق مرکزی وزیر پی چدمبرم کو فی الحال جیل نہیں بھیجا جائے گا۔ سپریم کورٹ نے تین روز کے لیے سی بی آئی کی تحویل میں اضافہ کر دیا ہے اور جمعرات تک پی چدمبرم سی بی آئی کی تحویل میں رہیں گے۔
سپریم کورٹ نے کہا کہ پی چدمبرم ضمانت کے لیے ٹرائل کورٹ کا رخ کر سکتے ہیں۔
اس سے قبل معروف وکیل کپل سبل نے سپریم کورٹ کو کہا تھا کہ سابق وزیر خزانہ 76 برس کے ہیں، اس لیے ان کو تہاڑ جیل نہ بھیجا جائے، بلکہ ان کے لیے گھر میں نظربندی ہی ٹھیک ہے۔
کپل سبل نے کہا تھا کہ پی چدمبرم کو گرفتاری سے آزاد کیا جائے اور ضمانت کے لیے درخواست دینے کا موقع دیا جائے۔
اس پر سی بی آئی نے کہنا تھا کہ اس پر فیصلہ ٹرائل کورٹ کو کرنا چاہیے پی چدمبرم کو کسی طرح کی کوئی تحفظ نہ دی جائے۔
