ڈونلڈ ٹرمپ سے ملاقات کے بعد شمالی کوریا کے صدر کم جونگ اون نے ایک بڑا فیصلہ لے کر دنیا کو حیران کردیا۔
امریکی صدر ڈونلڈ ٹرمپ سے ملاقات کے بعد شمالی کوریا کے رہنما کم جونگ اون نے ایک بڑا فیصلہ لیتے ہوئے اپنے جوہری ہتھیار کو ختم کرنے کا اعلان کیا ہے۔
ویتنام کے دارالحکومت ہنوئی میں دونوں رہنماؤں نے ایک دوسرے سے بدھ کے روز ملاقات کی۔
جنوبی کوریا کے رہنما اور امریکی صدر ڈونلڈ ٹرمپ کے درمیان تقریبا آٹھ ماہ قبل ایک ملاقات کے دوران اس سلسلے میں بات چیت ہوئی تھی، جسے مزید عملی جامہ پہنانے کے لیے اس ملاقات میں تبادلہ خیال کے بعد کم نے یہ فیصلہ لیا۔
ماہرین کے مطابق ہنوئی میں دونوں رہناؤں کی دوسری ملاقات میں مثبت اقدامات کی امید ظاہر کی گئی تھی۔
اس موقع پر امریکی صدر نے صحافیوں سے گفتگو کے دوران کہا کہ ہمیں کوئی جلد بازی نہیں، انہوں نے مزید کہا کہ نتیجہ کے لیے انتظار کرنا پڑتا ہے۔
مسٹر ٹرمپ نے کم سے ملاقات کرنے سے قبل کہا کہ ہم دیکھیں گے کہ کیا ہوگا، کوئی جلد بازی نہیں ہے۔ ہم مناسب معاہدہ چاہتے ہیں۔
