ہماچل پردیش میں پچھلے 24 گھنٹوں میں نو پولیس اہلکاروں سمیت کورونا انفیکشن کے ریکارڈ 163 نئے معاملے سامنے آئے ہیں۔اس کے ساتھ ریاست میں کوویڈ -19 متاثرین کی تعداد 4156 پہنچ گئی ہے۔یہ اطلاع اڈیشنل چیف سکریٹری ہیلتھ آر ڈی دھیمان نے آج یہاں دی۔
انہوں نے بتایا کہ اس مدت میں آج کانگڑا میں سب سے زیادہ 39 ،سولن میں 36 ،سرمور میں 26 ،منڈی میں 13, ہمیرپور سات،شملہ ایک،اونا چار،کلو 19 اور بلاس پور اور چمبا میں نونو معاملے سامنے آئے ہیں۔اس کے ساتھ ہی ریاست میں 88 لوگ ٹھیک بھی ہوئے ہیں۔ان میں چمبا سے سب سے زیادہ 45 ،ہمیر پور سے 16 سرمور سے 12 ،کانگڑا سے سات ،بلاس پور سے چار اور شملہ اور اونا سے دو دو مریض آج ٹھیک ہوئے ہیں۔
پچھلے دو دن میں ریاست میں 281 لوگ وبا کی زد میں آئے ہیں۔چمبا ضلع کے چوڑی ،کہار ،چونتڑا اور سوراڈا بلاک سے آئے ہیں۔ضلع میں کورونا کے فعال معاملوں کی تعداد 157 پہنچ گئی ہے اور 126 مریض ٹھیک ہوگئے ہیں۔
ریاست میں متاثرین کی کل تعداد 4156 پہنچ گئی ہے اور 1377 فعال معالے ہیں۔راحت کی بات یہ ہے کہ 2720 مریض ٹھیک ہوگئے ہیں۔اتوار کو 88 اور مریض ٹھیک ہوگئے ہیں۔ریاست میں کورونا سے 17 لوگوں کی موت ہوچکی ہے۔40 مریض ریاست کے باہر چلے گئے ہیں۔
