نیشنل انسٹی ٹیوٹ برائے عوامی صحت نے اس وائرس کی وجہ سے پیدا ہونے والے مرض کا ذکر کرتے ہوئے کہا کہ کورونا وائرس کی وجہ سے ایک 86 سالہ شخص جسے روٹرڈم کے اکازیا اسپتال میں داخل کیا گیا تھا ، اس کی موت ہوگئی۔
آر آئی وی ایم نے کہا کہ نیدرلینڈ میں یہ پہلا مریض ہے جس کی موت کورونا وائرس کے سبب ہوئی۔ انہوں نے کہا کہ مریض کے کورونا وائرس سے متاثر ہونے کے ذریعہ کا پتہ نہیں چل سکا۔
دنیا بھر میں کورونا وائرس سے متاثر ہونے والوں کی تعداد ایک لاکھ کے قریب پہنچ چکی ہے جبکہ 3 ہزار 300 افراد اس وائرس کے سبب ہلاک ہوچکے ہیں۔ نیدر لینڈ میں اس وائرس کے 82 کیسس سامنے آئے ہیں۔
آر وی آئی ایم نے بتایا کہ جیسے ہی اس شخص کے کورونا وائرس سے متاثر ہونے کی تصدیق ہوئی اسے الگ تھلگ کردیا گیا۔ انسٹی ٹیوٹ نے کہا کہ ہر وہ شخص جو اس سے ملنے آیا تھا اور صحت کے کارکنوں سے ان کی صحت کے متعلق تفتیش کی جارہی ہے۔
آر آئی وی ایم نے کہا کہ مریض کے ساتھ رابطے میں آنے والے تمام افراد کو جو نزلہ میں مبتلا ہیں یا بخار ہے انہیں گھر میں ہی رہنے کو کہا گیا ہے۔ اگر ضروری ہو تو ان کی جانچ کی جائے گی۔
