بینکوں میں عام شہریوں کے پیسے محفوظ نہیں: منیش تیواری

کانگریس کے سینیئر لیڈر اور سابق مرکزی وزیر منیش تیواری نے مرکز کی بھارتیہ جنتا پارٹی کی زیر قیادت حکومت کی یہ کہتے ہوئے تنقید کی کہ اس کے عہد میں عام شہریوں کے پیسے قطعی محفوظ نہیں ہیں۔

مسٹر تیواری نے نامہ نگاروں سے کہا کہ عام عوام کی گاڑھی کمائی کے پیسے بینکوں میں محفوظ نہیں ہیں اور یہ حکومت نہیں جانتی کہ ملک کیسے چلانا ہے۔

انہوں نے کہا آج صورتحال نوٹ بندي جیسی ہی ہے اور لوگوں کو بینکوں سے اپنے ہی پیسوں کو نکالنے میں مختلف مسائل کا سامنا کرنا پڑ رہا ہے۔

انہوں نے کہا کہ 2008 کی عالمی کساد بازاری، 2011 کے یوروزون بحران اور 2014 میں عالمی خام تیل کی بڑھتی ہوئی قیمتوں کے باوجود اس وقت کی متحدہ ترقی پسند اتحاد حکومت کے دور میں مسلسل 10 سالوں تک اقتصادی ترقی کی شرح نمو7.8 رہی،

لیکن اس کے پیش نظر کوئی اقتصادی بحران سامنے نہیں آیا جبکہ گزشتہ پانچ برسوں میں بی جے پی حکومت کے دور میں معیشت کی حالت بدترین سطح پر پہنچ گئی ہے۔ انہوں نے کہا کہ مہاراشٹر میں دیویندر فڑنویس کی قیادت والی حکومت کسی بھی معیار پر کامیاب نہیں ہوئی ہے۔