وزیر اعظم نریندر مودی نے 'من کی بات' میں کہا کہ 'لداخ میں بھارت کی زمین کی جانب آنکھ اٹھا کر دیکھنے والوں کو کرارا جواب ملا ہے۔
وزیر اعظم نے کہا کہ عوامی شراکت کے بغیر کوئی بھی مشن مکمل نہیں کیا جاسکتا اس لیے آتم نربھر بھارت کی سمت میں ہم سب کا عزم، لگن اور تعاون بہت ضروری ہے۔
انہوں نے کہا کہ ہمارا مقصد ملک کی عزت اور خود مختاری کی حفاظت کرنا ہے۔
انہوں نے اپنے ماہانہ ریڈیو پروگرام من کی بات میں بھارت ۔ چین کی افواج کے درمیان لداخ کے گلوان وادی میں ہوئے جھڑپ کا بھی ذکر کیا اور کہا کہ لداخ پر نظر ڈالنے والوں کو سخت جواب دیا گیا ہے۔
