ممتا بنرجی نے ٹویٹ کرکے کہا آج کا اعلان مودی کے ذریعہ کیاگیا ایک ڈرامہ ہے اور تشہیر کا ذریعہ ہے جسے مودی الیکشن کے وقت سیاسی فائدے کے لیے استعمال کر رہے ہیں۔ یہ ضابطہ اخلاق کی خلاف ورزی ہے'۔
خیال رہے کہ ممتابنرجی نے اس تعلق سے بدھ کے روز اپنے پریس کانفرنس میں بھی مودی پر تنقید کی۔ انہوں نے کہا کہ' اینٹی سیٹلائٹ میزائل پر کا کام سنہ 2010 سے جاری تھا، اور اب وہ مکمل ہوگیا ہے، اس میں مودی کا کوئی اہم کردار نہیں ہے، بلکہ ہمارے سائینسداں کا کمال ہے'۔
ترنمول کی سربراہ نے کہا' حکومت کو یہ اعلان کرنے کے لیے کسی قسم کی جلد بازی دکھانے کی ضرورت نہیں تھی۔ بی جےپی کی کشتی ڈوب رہی ہے اور اس لیے بی جے پی آکسیجن پانے کےلیے بے قرار ہے۔ ہم الیکشن کمیشن میں اس کی شکایت درج کرائیں گے'۔
واضح رہے کہ وزیراعظم نریندرمودی نے بدھ کو قوم سے خطاب کرتے ہوئے کہا کہ بھارت نے زمین کی نچلی مدار میں سطح سے 300کلومیٹر دور ایک لائیو سیٹلائٹ کو ملک میں بنائی گئی میزائل اے - سیٹ سے مار گرایا ہے، لیکن یہ حملہ کسی بھی ملک کے خلاف نہیں ہے۔
اس کے بعد محترمہ بینرجی نے بھی ٹویٹ کرکے ہندوستانی سائنس دانوں کو اس کامیابی کےلیے مبارکباد دی۔
