کانپور میں غیر قانونی طریقے سے رکھے گئے پٹاخہ کے ایک بڑے ذخیرے کو پولیس نے برآمد کیا ہے۔
پولیس نے موقع سے تقریباً پانچ لوڈر پٹاخہ برآمد کیا ہے جس کی قیمت تقریبا پچاس لاکھ روپے بتائی جا رہی ہے۔
اس معاملے میں پولیس نے تین لوگوں کو گرفتار بھی کیا ہے۔
کانپور کے تھانہ بجریہ علاقے کے گلاب گھونسی میں عمران نامی ایک شخص کے گھر میں بڑی تعداد میں پٹاخہ کا ذخیرہ اکٹھا کیا جا رہا تھا تبھی پولیس کو مخبر کے ذریعے سے اطلاع ملی کہ یہاں پر دیپاولی کے موقع پر بیچنے کے لئے آتش بازی کے سامان کا ذخیرا اکٹھا کیا جا رہا ہے۔
پولیس کے مطابق ان کے پاس سے پٹاخہ بیچنے کا نہ تو کوئی لائسنس تھا نہ ہی اس کا ذخیرہ کرنے کا کوئی کاغذی ثبوت تھا، جس جگہ پر پٹاخہ برآمد ہوا ہے وہ انتہائی گھنی آبادی والا علاقہ ہے'۔
پولیں نے کہا ہے کہ 'اگر پٹاخے میں کسی طرح سے کوئی دھماکہ ہوتا تو اتنا بڑا ذخیرہ ہونے کے سبب جانی اور مالی نقصان بڑے پیمانے پر ہو سکتا تھا'۔
واضح رہے کہ کانپور کے آبادی والے علاقے میں پٹاخہ کا ذخیرہ رکھنا تو دور کی بات ہے پٹاخہ بیچنا تک ممنوع ہے۔
آگرہ میں ہوے پٹاخے دھماکے کے بعد سے کانپور ضلع انتظامیہ بھی کافی چاک و چوبند نظر آ رہا ہے۔
کچھ برس پہلے کانپور کے مہاراج پور علاقے میں غیر قانونی طور سے ذخیرہ کیے گئے پٹاخہ میں ہوئے دھماکے سے دو لوگوں کی موت ہو چکی ہے اس کے بعد سے ضلع انتظامیہ کافی مستعد نظر آ رہا ہے۔
