اینٹی لیکر ٹاسک فورس کے انچارج آر کے بھانو نے بتایا کہ خفیہ اطلاع کی بنیاد پر جمعہ کی رات دھرم پور محلہ میں راجیش کمار پاسوان عرف ٹنکو کے گھر پر چھاپے ماری کی گئی اور موقع سے 113 بوتل انگریزی شراب برآمد کی گئی ہے۔
انہوں نے بتایا کہ شراب اسمگلر راجیش کمار عرف ٹنکو فرار ہوگیا جبکہ اس کا ایک ساتھی سنگھواڑہ تھانہ علاقہ کے پیغمبر پور گاﺅں باشندہ سنتو ش کمار کو موقع پر سے ہی گرفتار کرلیا گیا ہے ۔
بھانو نے بتایا کہ گرفتار اسمگلر کے پاس سے ملے موبائل فون کی بنیاد پر دیگر اسمگلروں کے بارے میں جانکاری اکٹھا کی جارہی ہے ۔ انہوں نے بتایا کہ کافی دنوں سے اس گھر میں شراب اسٹاک کر ڈیلیوری کی جاتی تھی ۔ گرفتار ملزم کو جیل بھیجنے کی کاروائی کی جارہی ہے ۔
