'آپ کشمیری ہو، آپ کو ہم ماردیں گے'

خشک میوہ فروش کشمیری نوجوان افضل نائک نے ای ٹی  بھارت سے بات کرتے ہوئے بتایا کہ چند لوگوں نے مجھ سے آدھار کارڈ کا مطالبہ کیا اور جیسے ہی انہوں نے آدھار کارڈ کو دیکھا تو مار پیٹ شروع کردیا۔

خیال رہے کہ ریاست اتر پردیش کے دارالحکومت لکھنؤ میں میوہ فروش کشمیریوں پر سخت گیر ہندو تنظیم 'وشو ہندو دل' سے تعلق رکھنے والے شدت پسندوں نے حملہ کیا۔

افضل نائک نے ای ٹی وی بھارت نمائندے سے بات کرتے ہوئے کہا کہ 'میں حسب معمول بدھ کی شام اپنے دو ساتھیوں کے ساتھ ڈالی گنج پل پر میوہ فروخت کر رہا تھا، اسی درمیان کار میں سوار تین سے چار افراد وہاں پہنچے اور میری بے دردی سے پٹائی کی'۔

افضل کا کہنا ہے کہ تمام لوگوں نے زعفرانی رنگ کے گمچھے اور کرتے پہن ہوئے تھے۔

افضل نائک کی ای ٹی وی بھارت سے خصوصی بات چیت دیکھیں۔