کورونا وائرس کے روک تھام اور خاتمے کے ضمن میں جاری ملک گیر لاک ڈاون کے دوران مرکزی وزارت داخلہ نے مختلف علاقوں میں پھنسے ہوئے لوگوں کی منتقلی کے لئے ٹرینز کے استعمال کی اجازت دی ہے۔
اسی سہولت کے پیش نظر جامعہ ملیہ اسلامیہ یونیورسٹی نے ہاسٹلز میں مقیم طلبہ سے کہا ہے کہ 'وہ اپنے کمرے خالی کریں اور اپنے آبائی ریاستوں کو واپس جائیں'۔
واضح رہے کہ یونیورسٹی کورونا وائرس وبائی مرض کی وجہ سے بند کردی گئی تھی۔ جس کے بعد باقاعدہ اگست میں دوبارہ کھلیں گی۔ جبکہ نیا تعلیمی سیشن ستمبر سے شروع ہوگا۔
یونیورسٹی انتظامیہ نے بتایا کہ 'جولائی 2020 کو ہونے والے امتحانات کے نظام الاوقات کے بارے میں مقررہ وقت سے قبل مطلع کیا جائے گا۔
انتظامیہ نے بتایا کہ 'آن لائن امتحانات اور تحقیقی وسائل کے مواد کی آن لائن دستیابی پر بھی غور کیا جارہا ہے'۔
جامعہ ملیہ اسلامیہ یونیورسٹی انتظامیہ کے مطابق 'ہاسٹل میں پھنسے ہوئے طلبا پہلے اپنے گھر واپس نہیں جاسکتے تھے۔ اب انہیں ریاستی حکومتوں کے ٹرانسپورٹ اور ٹریول پروٹوکول کے انتظامات کے مطابق ہاسٹل خالی کرنے کی ہدایت دی گئی ہے'۔
اطلاعات کے مطابق یونیورسٹی کے قریبی علاقوں کو ہاٹ اسپاٹ قرار دے کر سیل کردیا گیا ہے اور یونیورسٹی نے کہا ہے کہ 'مستقبل میں ضروری اشیا کی رسد اور افرادی قوت کی ضروریات کو برقرار رکھنا مشکل ہوجائے گا'۔
اسی کے پیش نظر تمام ہاسٹلز کے پرووسٹ نے کہا ہے کہ 'ہاسٹیلرز کو کسی استثناء کے بغیر مکمل طور پر خالی کرنا ہے۔ تمام لڑکوں اور لڑکیوں سے درخواست کی جاتی ہے کہ وہ فوری طور پر اس عمل کو شروع کریں'۔
