ریاست بہار کے مدرسہ بورڈ میں خامیوں کو دور کرنے کے لیے بورڈ کے چیئرمین عبد القیوم انصاری نے ملحقہ مدارس کے اساتذہ اور ذمہ داروں کی میٹنگ طلب کی۔
چیئرمین نے 'مدارس میں تعلیمی اصلاح کانفرنس' کے عنوان کے تحت لوگوں کو خطاب کرتے ہوئے تعلیمی معیار کو بہتر بنانے پر زور دیا۔
انہوں نے کہا کہ ریاستی حکومت اقلیتوں کی فلاح کے لیے پرعزم ہے۔ بہار حکومت کی جانب سے مسلمانوں کے لیے مختلف طرح کے فلاحی منصوبے ہیں، مگر ناواقفیت کی وجہ سے اقلیتی طبقہ اسے حاصل نہیں کر پاتا، اس لیے ہر طرح کی بیداری کی ضرورت ہے۔
عبدالقیوم انصاری نے کہا کہ 'اساتذہ صرف بچوں کو معیاری تعلیم دیں ہم ان کی تمام مطالبات پوری کرنے کی کوشش کریں گے، مگر تعلیم سے کوئی سمجھوتہ نہیں ہو گا'۔
چیئرمین نے کہا کہ اب مدارس میں بھی ڈریس کوڈ کی پابندی کی جائے گی، اساتذہ و طلباء سفید کرتا پاجامہ و ٹوپی میں نظر آئیں گے جبکہ طالبات سفید شلوار اور ہرے رنگ کے سوٹ پہنیں گی۔ ان باتوں پر عمل نہ کرنے کی صورت میں کارروائی کی جائے گی۔
