دہلی نے اپنے گزشتہ 2 میچوں میں رائل چیلینجرز بنگلور اور کولکاتا نائٹ رائیڈرس کو شکست دی ہے، جبکہ آج اس کا مقابلہ مضبوط ٹیم حیدرآباد سے ہے اور وہ اسے جیت کر جیت کے سلسلے کو برقرار رکھنا چاہے گی۔
دہلی نے اب تک 7 میچوں میں 4 میچ جیتے ہیں اور 8 پوائنٹس کے ساتھ پوائنٹس ٹیبل میں چوتھے مقام پر ہے۔
جبکہ حیدرآباد نے اس سیزن میں اچھی شروعات کی تھی لیکن بعد میں جیت کی راہ سے بھٹک گئی اور اب 6 میچوں میں 3 میچ جیت کر پوائنٹس ٹیبل میں چھٹے مقام پر ہے۔
دہلی کے لیے اچھی بات یہ ہے کہ شکھر دھون فارم میں لوٹ آئے ہیں اور انہوں نے پچھلے میچ میں ناٹ آؤٹ 97 رنوں کی شاندار اننگ کھیل کر اپنی ٹیم کو فتح سے ہمکنار کیا تھا۔
دوسری جانب حیدرآباد میں ڈیوڈ وارنر اور جانی بیریسٹو مسلسل اچھی بلے بازی کر رہے ہیں لیکن گیند باز اسکور کا دفاع کرنے میں ناکام ثابت ہو رہے ہیں۔
سنرائیزرس حیدرآباد آج اپنے گھریلو میدان پر میچ فتح حاصل کر جیت کی پٹری پر لوٹنا چاہے گی جبکہ دہلی کیپیٹلز جیت کی ہیٹ ٹرک پوری کرنے کی کوشش کرے گی۔
