عالمی وبا کورونا وائرس کے پیش نظر حکومت پاکستان کی جانب سے کیے گئے لاک ڈاؤن کے سبب بہت سے بھارتی وہاں پھنسے ہوئے تھے۔ بھارت لوٹنے کے سبھی راستے مسدود ان کے لیے مسدود تھے۔
لیکن لاک ڈاؤن میں نرمی کے سبب بھارتی حکومت اپنے سبھی شہریوں کو پاکستان سے بھارت لانے کے لیے کوشاں ہے۔
آپ کو بتا دیں کہ' لاک ڈاؤن کے دوران بھارت کے تقریبا 748 افراد وہاں پھنسے تھے، لیکن بھارتی حکومت ان پھنسے لوگوں کو تین مختلف کھیپ میں واگہہ سرحد کے ذریعے بھارت واپس لانے کی کوشش کر رہی ہے۔
اس تعلق سے معاون سب انسپکٹر اے پی سنگھ کا کہنا ہے کہ' آج 250 لوگوں کو لانا تھا، لیکن 25 جون کو لوٹنے والے 46 افراد کسی سبب نہیں لوٹ سکے تھے آج وہ بھی 250 افراد کے ساتھ واپس لوٹے ہیں۔
حکومت ہند کے احکامات کے مطابق، ان سبھوں کو 25 ، 26 اور 27 جون کو 250 کے 3 گروپوں میں واپس لایا جائے گا۔جن میں تقریبا 500 افراد اب تک واپس آچکے ہیں۔ بقیہ 248 افراد کو ابھی اور لانا ہے۔ سبھی افراد بھارت کی مختلف ریاستوں کے ہیں۔
