نڈا نے پارٹی ہیڈکوارٹر سے آڈیو کانفرنسنگ کے ذریعے ملک کے جنوب، مغرب، شمال اور مشرق زون کے ریاستی، ضلع اور بلاک سطح کے پارٹی عہدیداروں کے ساتھ پانچ مختلف میٹنگ کی اور پارٹی کی طرف سے کورونا سے نمٹنے کے لئے اٹھائے جا رہے اقدامامت کا جائزہ لیا۔
ان میٹنگ میں آندھرا پردیش، کرناٹک، تلنگانہ، تمل ناڈو، کیرالہ، پڈوچیری ( پہلی میٹنگ )، مہاراشٹر، ممبئی، گوا، دمن اور دیو، دادرا اور ناگرحویلی (دوسری میٹنگ )، راجستھان، گجرات (تیسری میٹنگ )، جموں و کشمیر، ہماچل پردیش، ہریانہ، پنجاب، چندی گڑھ، دہلی (چوتھی میٹنگ) مدھیہ پردیش اور چھتیس گڑھ (پانچویں میٹنگ ) کے پارٹی عہدیدار شامل ہوئے۔ ان تمام میٹنگ میں پارٹی کے قومی جنرل سکریٹری بی ایل سنتوش بھی موجود رہے۔
