ریاست بہار کے دارالحکومت پٹنہ میں واقع امارت شرعیہ کی جانب سے اردو زبان کی بقا و تحفظ کے لیے منظم تحریک چلائے جانے کا اعلان کیا ہے۔
اس سلسلہ میں امارت شرعیہ کی جانب سے 'ہفتہ برائے ترغیب تعلیم و تحفظ اردو' یکم فروری 2021 سے منعقد کیا جا رہا ہے۔
یکم فروری 2021 کو مولانا محمد ولی رحمانی اس تحریک کا افتتاح کریں گے۔
ریاست میں اردو کو دوسری سرکاری زبان کا درجہ حاصل ہے۔
اب اُردو کو حکومت نے اسکولز میں اختیاری زبان کا درجہ دے دیا ہے۔
اس لیے امارت شرعیہ نے اُردو کے تحفظ کے لیے تحریک چلانے کا اعلان کیا ہے۔
امارت شرعیہ اس سلسلے میں کہا کہ اردو کی بقا کے لئے ہر علاقے میں اسکول کھولے جائیں۔
امارت شرعیہ کے قائم مقام ناظم مولانا محمد شبلی القاسمی نے ای ٹی وی بھارت سے خصوصی گفتگو میں کہا کہ اُردو کو سرکاری سطح پر کمزور کرنے کی کوشش کی جا رہی ہے۔
اس لیے امارت کی جانب سے اردو کی ترویج و اشاعت کے لیےمنظم انداز میں قدم اُٹھایا جا رہا ہے۔
