یہ پہلا موقع ہے جب بھارت کے یوم آزادی کے موقع پر کوئی مشاعر ہو رہا ہے اور وہ بھی آن لائن۔ بھارت کے ہائی کمیشن اور 'کتھا یوکے' کے زیر اہتمام یہ مشاعرہ لندن میں شام 16.00 بجے یعنی بھارتی وقت کے مطابق رات 20.30 بجے منعقد ہوگا۔
کتھا یوکے کے بانی تیجندر شرما نے بتایا کہ 'کورونا کے دور میں ہمیں ڈیجیٹل ذرائع سے اس مشاعرے کا انعقاد کرنا پڑ رہا ہے۔ اس آن لائن مشاعرے میں برطانیہ کے سینئر اور نوجوان شعراء اکرام کے کلام سننے کو ملیں گے۔'
شعراء اکرام میں ڈاکٹر پدمیش گپتا، ڈاکٹر نکھل کوشک، ذکیہ زبیری، جئے ورما، آشیش مشرا، شیکھا ورشنیا، تیتھی دانی، آشوتوش کمار، رچا جندال، اندو بیراٹھ، سواتی پٹیل، منی نارنگ شامل ہیں۔
یہ بھی پڑھیں: بچوں کے لیے قومی سطح کا حب الوطنی پر شعری مقابلہ
بطور مہمان خصوصی ہندی اور ثقافت کے افسر ترون کمار بھی شریک ہوں گے۔ مشاعرے کی نظامت نوجوان شاعر آشیش مشرا کریں گے۔
انہوں نے بتایا کہ 'مشاعرے میں مہما ذی وقار کے طور پر نہرو سینٹر کے ڈائریکٹر امیش ترپاٹھی اور ڈپٹی ڈائریکٹر برج کمار گوہارے موجود رہے گی۔'
