پنجاپ میں چل رہے کسانوں کے مظاہرے کے پیش نظر ریلوے انتظامیہ نے کئی گاڑیوں کو منسوخ کردیا ہے جبکہ کچھ کے راستے میں تبدیلی کی گئی ہے۔
شمال مشرقی ریلوے کے ترجمان نے بتایا کہ دربھنگہ سے 11 نومبر کو چلنے والی 05211 دربھنگہ۔امرتسر اسپیشل ٹرین امرتسر سے 13 نومبر کو چلنے والی 05212 امرتسر۔دربھنگہ اسپیشل ٹرین کو منسوخ کردیا ہے۔
انہوں نے بتایا کہ امرتسر 12 نومبر کو چلنے والی 04674 امرتسر جے نگر اسپیشل ٹرین انبالا سے چلائی جائے گی اور یہ گاڑی امرتسر۔انبالا کے درمیان منسوخ رہے گی۔ اس کے علاوہ گورکھپور۔عیش باغ کے درمیان انٹر سٹی ایکسپریس اسپیشل ٹرین کو 13 نومبر سے اگلے حکم نامے تک چلانے کا فیصلہ کیا ہے۔
ترجمان نے بتایا کہ گاڑی نمبر 05070 عیش باغ۔گورکھپور انٹرسٹی ایکسپریس خصوصی گاڑی عیش باغ سے 16:25 بجے روانہ ہوکر بادشاہ نگر، بارہ بنکی، گونڈہ، بلرامپور، تلسی پور، پچپیڑوا، بڑھنی، شہرت گڑھ، نوگڑھ اور آنند نگر ہوتے ہوئے 23:55 بجے پہنچے گی۔
انہوں نے بتایا کہ اسی طرح گاڑی نمبر 05069 گورکھپور۔عیش باغ انٹرسٹی ایکسپریس اسپیشل گاڑی گورکھپور سے 03:45 بجے روانہ ہوکر اسی اسٹیشن سے ہوتے ہوئے عیش باغ 10:40 بجے پہنچے گی۔
