ڈائرکٹوریٹ جنرل آف سول ایوی ایشن نے اسٹینڈاپ کامیڈین کنال کامرا پر فضائی خدمات فراہم کرانے والی کمپنیوں کی طرف سے لگائی پابندی کو ضابطوں کے مطابق قرار دیا ہے۔
ڈی جی سی اے نے ایک بیان میں کہا کہ ایئرلائنس کی طرف سے کی گئی کارروائی سول ایوی ایشن رکوائرمنٹس کے سیکشن۔3، سیریز ایم، پارٹ چھ کے مطابق ہے جس میں بدسلوکی کرنے والے مسافروں کے بارے میں قواعد طے کئے گئے ہیں۔
مسٹر کامرا پر طیارہ انڈیگو -ممبئی -لکھنو جارہی پرواز میں ارنب گو سوامی سے سوال پوچھ کرپریشان کرنے کا الزام ہے۔
انڈیگو نے مسٹر کامرا کی پرواز پر پابندی لگا دی تھی۔ اس کے بعد سرکاری فضائی خدمات فراہم کرانے و لی ایئر انڈیا اور کفایتی طیارہ سروس کمپنی گو ایئر اور اسپپائس جیٹ نے بھی فی الحال ان پر پابندی لگانے کا اعلان کیا ہے۔
مزید پڑھیں: سی اے اے معاملہ: آزاد مارکیٹ پہنچے ہرش مندر
ڈی جی سی اے نے کہاکہ اب انڈیگو کو معاملہ کی جانچ کے لئے داخلی کمیٹی بنانی ہوگی جسے 30دن کے اندر حتمی فیصلہ اور اس کی وجہ بتانی ہوگی۔ کس طرح کے سلوک لئے مسافر کی پرواز پر کتنی پابندی لگائی جانی ہے، اس کا ذکر بھی سول ایوایشن رکوائرمنٹس میں ہے۔
