اس اجلاس میں این یو جے آئی کے سابق صدر راس بہاری نے مرکزی حکومت سے قومی صحافیوں کا رجسٹر بنانے کا مطالبہ کرتے ہوئے کہا کہ اس سے صحافی کی تعریف قانونی طور پر متعین ہوگی۔
انہوں نے کہا کہ نیشنل جرنلسٹ رجسٹر بننے سے تمام صحافیوں کا ریکارڈ بن جائے گا اور کسی صحافی کے ذریعہ دھوکہ دہی کی صورت میں اس کا پتہ لگایا جاسکتا ہے۔ صحافیوں کے تحفظ کے لئے بھی قوانین کو سختی سے نافذ کیا جائے گا۔
دہلی جرنلسٹ ایسوسی ایشن (ڈی جے اے) کے صدر اور این یو جے آئی کے قومی سکریٹری راکیش تھپلیال نے کہا کہ پورے ملک سے آئے ہوئے صحافیوں کو ریاستی حکومتوں اور مرکزی حکومت کے سامنے بھرپور طریقے سے قومی صحافی رجسٹر، میڈیا کونسل اور میڈیا کمیشن بنانے کا مطالبہ کرنا چاہیے۔
اس اجلاس میں دہلی جرنلسٹ ایسوسی ایشن کے نومنتخب عہدیداروں میں راکیش تھپلیال، خزانچی نریش گپتا، سکریٹری رنویر سنگھ اور ہریندر راٹھور کا خیرمقدم کیا گیا۔
این یو جے آئی کے جنرل سکریٹری شیوکمار اگروال اور خزانچی سیما کرن نے امید ظاہر کی کہ ڈی جے اے کے صدر راکیش تھپلیال کی سربراہی میں ایک مضبوط ٹیم ملک کے دارالحکومت میں صحافیوں کے مفادات کے لیے کام کرے گی۔
ڈی جے اے کے خزانچی نریش گپتا، سکریٹری رنویر سنگھ اور ہیریندر راٹھور نے این یو جے آئی کی ورکنگ کمیٹی کے کامیاب اور عمدہ اجلاس کے لیے راجستھان کی جرنلسٹ ایسوسی ایشن کا شکریہ ادا کیا۔
ملک بھر سے ڈھائی سو سے زیادہ مندوبین نے اپنی اپنی ریاستوں میں صحافیوں کے مسائل کے بارے میں اپنے خیالات پیش کیے۔
