کیرالہ میں بایاں جمہوری مورچہ (ایل ڈی ایف) کی دوسری سب سے بڑی اتحادی کمیونسٹ پارٹی آف انڈیا (سی پی آئی) نے موجودہ رکن اسمبلی اور ریاست کے سابق وزیر سی دیواکرن کو ترواننت پورم لوک سبھا کے لیے امیدوار بنانے کا فیصلہ کیا ہے۔
ذرائع کے مطابق نیدومنگد اسمبلی سیٹ سے منتخب نمائندے مسٹر دیواکرن کانگریس کے ممبرپارلیمنٹ ڈاکٹر ششی تھرور کے خلاف چناؤ لڑیں گے۔
بی جے پی نے ابھی تک اس سیٹ کے اپنے امیدوار کے نام کا اعلان نہیں کیا ہے۔سی پی آئی کی ریاستی کونسل نے اس مرتبہ ریاست کی چار سیٹوں پر چناؤ لڑنے کا فیصلہ کیا ہے۔ پارٹی نے تھریسور لوک سبھا سیٹ سے جن یوگم اخبار کے ایڈیٹر راجا جی میتھیو تھامس کوامیدوار بنانے کا فیصلہ کیا ہے۔
اڈور سے رکن اسمبلی چتيام گوپ كمار اور پی پی سنير ماؤلکارا اور وايناڈ سے لوک سبھا کا الیکشن لڑیں گے۔ اس مرتبہ سی پی آئی نے اپنے دو موجودہ ممبران اسمبلی کو لوک سبھا چناؤ کے لئے میدان میں اتارنے کا فیصلہ کیا ہے۔
