نتیانند رائے نے مردم شماری میں موبائل ایپ کے استعمال سے متعلق ایک سوال کے جواب میں کہا کہ 2021 کی مردم شماری کے دوران اعداد و شمار کو یکجا کرنے کے لیے مختلف جدید طریقہ کار اپنائے جارہے ہیں۔
انہوں نے کہا کہ مردم شماری دو مرحلوں میں یعنی اپریل سے ستمبر 2020 تک گھر جاکر کی جائے گی جبکہ 9 تا 28 فروری 2021 کے دوران آبادی کا اندراج کیا جائے گا۔
انہوں نے مزید بتایا کہ تکنیکی مشاورتی کمیٹی ( ٹی اے سی) کے مشوروں کی بنیاد پر سوال ناموں میں بعض تبدیلیاں کی گئی ہیں۔ اخراجات سے متعلق مالی کمیٹی ( ای ایف سی) نے 16 زبانوں میں مردم شماری کے لیے 8754.23 کروڑ روپے سے زائد رقم مختص کرنے کی سفارش کی ہے۔
