معاشی سست روی کے شکار ملک پر بی جے پی پر تنقیدوں کے درمیان بی جے پی کے صدر جے پی نڈا نے پارٹی رہنماؤں اور ماہرین کو ہدایت جاری کی ہے کہ نریندر مودی حکومت کی جانب سے اعلان کردہ بجٹ کو عوام تک پہنچائیں اور انہیں پالیسیوں سے واقف کروائیں۔
بی جے پی نے تمام ریاستوں کو ہدایت جاری کی ہے کہ وہ عوام میں بجٹ کے تعلق سے ورکشاپ منعقد کریں اور عوام میں بجٹ 2020 کو زیر بحث لائیں۔
یہ ریاستی سطح کی ورکشاپ 16 تا 23 فروری کو تمام ریاستی ہیڈ کوارٹرز پر منعقد کی جائے گی تا کہ عوام دوست پالیسیوں پر مودی حکومت کی جانب سے عوام کو آگاہ کیا جائے۔
حکومت کو عوام کی جانب سے سخت تنقیدوں کا سامنا ہے کہ اس بجٹ کی تقریر کے دوران معاشی سست روی اور بیروزگاری پر بجٹ میں کچھ بھی نہیں کہا گیا ہے۔
بھارتیہ جنتا پارٹی نے یہ بھی ہدایت کی ہے کہ کاروباری اور پیشہ ور تنظیموں کی شرکت کو یقینی بنانے کے علاوہ ورکشاپس میں فینانس ڈومین کے بولنے والوں کو بھی مدعو کیا جائے۔
اس ورکشاپ کے لیے پارٹی نے اپنے جنرل سکریٹریز رام مادھون اور پی مرلی دھر راؤ کو کو آرڈی نیٹر منتخب کیا ہے اور انہیں ہدایت دی ہے کہ ان ورکشاپ کے انعقاد کے بعد ایک پریس کانفرنس منعقد کی جائے جس میں ایک ترجمان مرکز سے اور ایک ریاست سے مخاطب کرے۔
نرملا سیتا رمن نے پارلیمنٹ میں یہ بجٹ پیش کیا تھا جس کے بعد وزیر اعظم نریندر مودی نے کہا تھا کہ یہ بجٹ ملک کی معاشی سست روی کو تیز بنانے میں اہم کردار ادا کرے گا۔ اس کے علاوہ یہ بجٹ شہریوں کو معاشی طور پر طاقتور بنائے گا اور ملک کی معیشت کی بنیاد کو مضبوط کرے گا۔
پارٹی نےیہ بھی فیصلہ کیا ہے کہ ہر ضلع میں مفکرین کی ایک
