عام انتخابات میں این ڈی اے کی شاندار کارکردگی کے بعد پارٹی کارکن کافی خوش ہیں اور گیا میں عوام کو پارٹی سے جوڑنے کی مہم تیزی سے چلائی جارہی ہے۔
بی جے پی کے ضلع صدر دھنراج شرما نے بتایا کہ ضلع میں ایک لاکھ لوگوں کو پارٹی سے جوڑنے کا ہدف طے کیا گیا ہے اور ہم رات دن محنت کرکے اس ہدف کو حاصل کرنے کی کوشش میں مصروف ہیں۔
انہوں نے مزید کہا کہ اقلیت میں پارٹی کے تئیں کافی غلط فہمیاں ہیں، اس لیے ان غلط فہمیوں کو دور کرنا اور انہیں پارٹی سے جوڑنا بھی ہمارا مقصد ہے۔
عوام کو بی جے پی سے جوڑنے کے لیے ایک موبائل نمبر بھی جاری کیا گیا ہے۔ اس نمبر پر مس کال کرکے بھی پارٹی کی رکنیت حاصل کی جاسکتی ہے۔
ضلع صدر دھنراج شرما نے کہا کہ ایک لاکھ لوگوں کو بی جے پی سے جوڑنے کے ہدف کی جانب ہم تیزی سے بڑھ رہے ہیں اور جلد ہی اسے حاصل کرنے میں کامیاب ہوجائیں گے۔
