آندھرا پردیش کے وجئے واڑہ میں وزیر اعلی جگن موہن ریڈی نے طبی سہولیات کو بہتر بنانے کے لیے 1088 نئی ایمبولینس گاڑیوں کی خدمات کا آغاز کیا ہے۔ یہ جدید گاڑیاں 201 کروڑ روپے کی لاگت سے خریدی گئی ہیں۔
وائی ایس ریڈی نے اس بارے میں کہا کہ 'ہم لوگ فیمیلی ڈاکٹر نام سے مہم شروع کر رہے ہیں جو کورونا وائرس کےدور میں ہمارے لیے کارگر ثابت ہوگی
ایک ہزار سے زائد ایمبولینس کی شروعات
اس نئی شروعات میں دائل نمبر 108 کے لیے 656 اور ڈائل نمبر 104 کے لیے 412 گاڑیاں ہیں اس میں 676 گاڑیوں کو 'موبائیل میڈیکل یونٹ' کے طور پر لانچ کیا گیا ہے۔
تفصیلات کے مطابق کسی بھی مریض کو لینے کے لیے شہری علاقوں میں یہ گاڑیاں 15 منٹ میں پہنچ جائیں گی جبکہ گاؤں میں 20 منٹ میں یہ گاڑیاں ضرورتمند کے پاس پہنچے گی۔
اس نئی شروعات میں 744 ڈاکٹرز کی خدمات حاصل کی جائیں گی جو ہمہ وقت طبی امداد فراہم کرنے لیے تیار رہیں گے
