ریاست راجستھان کے تاریخی شہر اجمیر میں واقع خواجہ معین الدین کی درگاہ کو عام زائرین کے لیے کھول دیا گیا ہے۔
ملک بھر کے زائرین 23 مارچ 2020 سے خواجہ صاحب کے آستانہ کی زیارت سے محروم تھے۔
درگاہ کمیٹی اور ضلع انتظامیہ کی جانب سے اب درگاہ شریف میں جانے کی اجازت مل گئی ہے۔
درگاہ شریف میں پورے گائیڈ لائن کے مطابق سینیٹائزر، ماسک اور تھرمل اسکریننگ کا معقول انتظام کیا گیا ہے۔
اجمیردرگاہ میں سماجی دوری بنائے رکھنے کے لیے چار فٹ کے فاصلے پر سرکل بنا دیے گئے ہیں۔
گذشتہ 23 مارچ سے بند کی گئی درگاہ کو آج 7 ستمبر 2020 کو کھول دیا گیا ہے۔
درگاہ کھلنے سے عقیدت مندوں میں خوشی کی لہر ہے۔
خاص بات یہ ہے کہ درگاہ شریف کی تمام دکانیں بند رکھی جائیں گی اور مساجد میں نماز کے وقت سماجی دوری کا خیال رکھا جائے گا۔
اسی طرح زیارت کے درمیان چادر، پھول بھی پیش نہیں کئے جائیں گے۔
حکومتی ہدایات کے مطابق عقیدت مند ایک گیٹ سے داخل ہوں گے اور دوسرے سے باہر نکلیں گے۔
یہ بھی پڑھیے:ڈاکٹر کفیل نے جے پور میں کیا خون کا عطیہ
اس کے علاوہ تمام دروازوں پر پولیس اہلکار اور طبی محکمہ کے افراد تعینات ہوں گے۔
درگاہ میں داخل ہونے سے قبل ماسک لگانا لازمی ہوگا، اس کے علاوہ سبھی زائرین کی اسکریننگ کی جائے گی۔
