کیسمو کے پولیس کمانڈر بینسن مایو نے بتایا کہ بس مغربی کینیا کے سیایا کاونٹی سے روانہ ہوئی تھی، اور کیسمو کے راستے نیروبی جارہی تھی۔
اسی دوران دیر رات بھارتی وقت کے مطابق تقریباً رات ڈیڑھ بجے کیسمو کیریو قومی شاہراہ پر بس ڈرائیور نے ایک گاڑی سے آگے نکلنے کی کوشش میں بس سے اپنا کنٹرول کھودیا اور سامنے سے آرہے گنے سے لدے ٹرک سے جا ٹکرایا۔
پولیس کمانڈر نے بتایا کہ حادثے میں ایک بچہ سمیت تیرہ لوگوں کی موت ہوگئی، اس حادثے میں دونوں گاڑیوں کے ڈرائیور بھی ہلاک ہوگئے جبکہ حادثے کے وقت بس میں 51 مسافر موجود تھے۔
کینیا ریڈکراس سوسائٹی نے بتایا کہ زخمیوں کو مقامی ہسپتال میں داخل کرایا گیا ہے، جہاں ان کا علاج چل رہا ہے۔
خیال رہے کہ کینیا میں ہر برس سڑک حادثات میں تقریباً تین ہزار افراد کی موت ہوجاتی ہے۔
حکومت اور پرائیوٹ سیکٹر کی طرف سے قومی شاہراہوں پر تحفظ کی تمام کوششوں کے باوجود سڑک حادثات کی تعداد میں کمی نہیں آئی ہے۔
