نئی دہلی: جہانگیر پوری میں امن کی بحالی کے مقصد سے اتوار کی شام 6 بجے مختلف ہندو مسلم ایک ترنگا یاترا نکالیں گے۔ اس سلسلے میں کمیٹی کو انتظامیہ سے تحریری اجازت مل گئی ہے۔ آپ کو بتا دیں کہ جمعہ کو پولس نے فریقین کے ساتھ میٹنگ کی تھی، جس میں فیصلہ کیا گیا تھا کہ اتوار کو ترنگا یاترا نکالی جائے گی۔ جس میں دونوں برادریوں کے لوگ ترنگا لے کر اس ترنگا یاترا میں حصہ لیں گے۔ میٹنگ میں ڈی سی پی اوشا رنگنی نے یاترا کی اجازت دے دی ہے۔ Aman Shanti Committee Got Permission For Tricolor Yatra in Jahangirpuri
جہانگیر پوری میں 16 اپریل کو ہونے والے تشدد کے بعد ماحول مکمل طور پر کشیدہ ہو گیا تھا۔ اب کشیدہ ماحول کو معمول پر لانے کے لیے ایک بڑی پہل کی گئی ہے۔ جمعہ کو دہلی پولیس کی موجودگی میں امن کمیٹی اور ہندو مسلم کمیونٹی کے لوگوں کے ساتھ ایک میٹنگ ہوئی۔ جس میں سب نے اپنا اپنا اظہارِ خیال پیش کیا اور بھائی چارے کا پیغام دیتے ہوئے دونوں برادریوں کے لوگوں نے ایک دوسرے کو گلے لگایا۔
