ریاست اترپردیش کے ضلع میرٹھ میں آل انڈیا لائیر یونین میرٹھ اور یونیورسٹی کے طلباء نے تریپورہ تشدد معاملہ (tripura violence) کے خلاف ضلع مجسٹریٹ آفس کے باہر احتجاجی مظاہرہ کیا۔ جس میں اقلیتوں کے تحفظ کا مطالبہ کرتے ہوئے صدر جمہوریہ کے نام ایک میمورنڈم پیش کیا گیا۔
آل انڈیا لائیر یونین اور یونیورسٹی کے طلباء نے تریپورہ میں فرقہ پرست عناصر کی طرف سے مسلم اقلیتوں پر مظالم اور بنگلہ دیش میں وہاں کے ہندو اقلیتوں پر فرقہ وارانہ حملوں کی پرزور مذمت کرتے ہوئے ڈی ایم دفتر کے باہر احتجاجی مظاہرہ کیا، ساتھ ہی صدر جمہوریہ کے نام میمورنڈم پیش کرتے ہوئے تریپورہ کے قصور واروں کو سخت سزا دلانے کا مطالبہ کیا۔
مزید پڑھیں:۔ 'تریپورہ انتظامیہ ملزمین کا ساتھ دے رہی ہے'
آل انڈیا لائیر یونین کے اراکین کا کہنا ہے کہ ان کی جماعت اقلیتوں کے تحفظ کے لئے آواز بلند کرتی رہتی ہے۔ صدر جمہوریہ کے نام پیش کیے گئے میمورنڈم میں تریپورہ کے علاوہ بنگلہ دیش کی ہندو اقلیتوں کے تحفظ کے لیے بھارتی حکومت کو بنگلہ دیش کے صدر جمہوریہ سے بات کرنے کی بات کہی۔ ہے۔
